Davao City – Gibutyag ni Davao City Mayor Sara nga mahinayon ang online registration sa mga kwalipikadong indibidwal nga buot mupailawom sa vaccination program sa City Government of Davao kung available na ang bakuna.
Segun sa Alkalde, gawas sa contact tracing, gamiton usab ang Safe Davao QR (DQR) o ang QR (Quick Response) Code nga ginagamit sa mga indibidwal pasulod sa mga opisina ug establisyemento sa syudad sa Davao alang sa vaccination program sa lokal nga gobyerno.
“We already released the Executive Order sa mandatory use ng DQR (sa offices/establishments). Ready na siya for contact tracing and we proceed next to using it for the vaccination program. Paperless ang atoang approach and you will use your DQR (Safe Davao QR) for that. It’s the same account that you will use,” saysay sa Mayor.
Matud ni Duterte-Carpio, magbaton og meeting ang developers sa Safe Davao QR paunsa mahimo ang maong sistema alang sa vaccination program sa syudad labi na nga aduna nay gipaabot nga bakuna ang Davao City gikan sa national government.
RadyoMaN Kirby Manzon
