Davao City – Aduna nay igong katakos ang syudad nga modumala sa mga dagkung kompetisyon sa paugnat sa kusog sama sa Palarong Pambansa human gipahigayon sa syudad sa Davao ang DAVRAA 2019 Meet.
Sumala ni boxing coach Rey Lariosa, maayo man ang pagdala sa mga delegados karon sa dakbayan bugtong kulang pa lang dinhi mao ang mga venue kung asa himoon ang mga indigay.
Matud ni Lariosa, seguradohon lang ang kondisyon sa mga atleta pinaagi sa makuting physical examination, bisan ug unsa pa ka potential ang usa ka magdudula apan kung dunay gihambin nga balatian, dili na lang paapilon.
Nagtoo si Lariosa nga daghang mga magdudula sa rehiyon nga mamahimong world class sports champion, icons ug future Olympians ilabi na sa natad sa boxing.
RadyoMaN Bernard Pantallon
