Davao City – Nitungtong sa rank-6 ang Davao Region sa pinaka daghang kaso sa Human Immunodeficiency Virus/Acquired Immunodeficiency Syndrome (HIV/AIDS) base sa pinakaulahing rekord sa Department of Health-Epidemiology Bureau (DOH-EB).
Sa interbyu sa RMN Davao kang Davao City Reproductive Health and Wellness Center (RHWC) head Jordana Ramiterre gibutyag niini nga as of June 2019 musumada sa 3,857 ka kaso sa HIV/Aids ang Davao Region, kon 2,902 niini gikan sa Davao City.
Gisulti ni Ramiterre nga adunay mga indibidwal nga dili taga-Davao apan dinhi nagpa-test ug nagpositibo sa maong balatian.
Gibutyag ni Ramiterre nga kadaghanan sa mga pasyente mga lalaki, samtang ang vulnerable age group gikan sa 15 hangtud 34 anyos.
“Probably because we have the testing centers, we make it accessible to people but at the same time medyo nagpapatuloy pa rin iyong mga risky sexual behaviors. Iyong unprotected sex, multiple partners, frequent change of partners that we cannot just easily change because ang behavior kasi proseso ang pagbago niyan,”
Sukad 1984, mokabat sa 191 ka pasyente ang namatay sa HIV/AIDS sa Davao Region ug 137 sa Davao.
Sumala sa Department of Health-Epidemiology Bureau (DOH-EB) nga ang National Capital Region nanguna sa pinakadaghan og kaso sa HIV-AIDS.
RadyoMaN Aimee Guinita
