Davao City – Adunay unom ka mga bag-ong kaso sa COVID-19, ang natala sa Davao Region (April 30,2020 5pm). Sumala sa DOH Davao Center for Health Development, adunay lima sa Davao City, usa sa Davao del Norte, samtang duha usab ang namatay nga mosumada sa 135 na ka mga kaso sa Davao Region.
Usa ka 52 anyos nga lalaki, taga-Talomo Proper, Davao City nga naadmit niadtong April 28 ug namatay. Padayon pa usab ginasuta kung asa nakuha sa maong pasyente ang sakit, samtang namatay usab ang 51 anyos nga lalaki nga taga-Tagum City ug padayong giinbestigahan ang history of exposure niini.
Miabot na sa 79 ang recoveries human nauli-an sa maong balatian, ang lima ka mga pasyente nga sila (PH 3202) 25 anyos nga babaing taga-Talomo South nga adunay exposure sa usa ka kumpirmadong kaso, (PH 3105-) 33 anyos nga lalaking taga-Tagum City, Davao del Norte kinsa adunay exposure sa Maco Gallera, (PH 5263) 42 anyos nga lalaking taga-Buhangin kinsa adunay exposure sa Matina Gallera.
Samtang, (PH 5466) 48 anyos nga babayi nga taga-Talomo South, Davao City nga adunay exposure sa confirmed case ug (PH 7424) 47 anyos nga taga-Toril B, Davao City kinsa adunay exposure sa usa ka nagpositibo sa COVID-19.
RadyoMaN Aimee Guinita
