Davao City – Moabot sa 93.7% ang nahimong lugi sa turismo sa Davao Region tungod sa Coronavirus Disease 2019 (COVID-19) pandemic.
Atol sa One Davao on COVID-19 Virtual Presser, gibutyag ni Department of Tourism (DOT) Secretary Bernadette Romulo-Puyat, dako ang nalugi sa turismo sa Davao Region diin niadtong 2019 anaa sa P54.2 billion nga kita sa rehiyon ug miubos kini sa P3.4 billion.
Matud ni Puyat, dili lamang ang Pilipinas ang nakasinati sa grabeng epekto sa pandemya lakip na ang ubang turismo sa ubang mga nasud sa Asya.
“Pag kausap ko ‘yung mga ibang tourism ministers from all over Asia, pareho rin ‘yung problema nila ang bagsak talaga is at least 80% all over Asia,” segun ni Puyat.
Samtang, gipasabot sa DOT official nga mamahimo nang mag-abri ang turismo sa usa ka lugar ilawom sa Modified General Community Quarantine (MGCQ), apan mag-agad gihapon sa Local Government Unit (LGU) nga maoy mas nasayod kung kanus-a sila andam alang sa turismo nga mabalanse usab sa ilang COVID-19 response.
RadyoMaN Kirby Manzon
