Davao City – Gikumpirmang African Swine Fever kun ASF free ang nasud Pilipinas ingon man ang Rehiyon XI.
Kini ang gibutyag ni Dr. Ma. Teresa Bacayo, Regional Veterinary Quarantine Officer of Department of Agriculture – Bureau of Animal Industry kun BAI XI diin sumala niya nga wala pa sa Pilipinas ang maong sakit ug luwas pa kaonon ang mga karneng baboy.
Dugang ni Bacayo nga adunay ASF preparedness Plan nga gihimo ang Department of Agriculture – BAI nga ginatawag nga Ban pork imports, Avoid Swill feeding, Block entry at International ports, Educate our people ug Submit Samples kun BABES.
Ang BABES maoy ginasunod sa tibuok nasud nga mga protocol aron makalikay sa swine virus.
Gani gipahibalo usab sa DOA nga ang ASF usa ka virus nga makaapekto lang sa mga baboy ug nasayran nga dili kini public health risk ug dili apektado niini ang mga tao ug ubang hayop.
Nasayran nga ang simtomas sa swine fever mao ang pag ubo, sip-on, diarrhea ug senyales nga pagpula sa panit, dalunggan ug sa uban pang extremities.
Sa karon, wala pay naimbento nga mga tambal ug bakuna kontra sa swine virus busa mamahimong mag report kung adunay nasayran nga mga simtomas sa swine virus ang usa ka baboy.
“As of now ang ASF laboratories natin ay nasa Manila pa lang pero we have regional offices or regional animal disease diagnostic laboratories all over the Philippines where farmer or mga backyard raisers could submit their samples for diagnostic procedure,” segun ni Bacayno.
Sa rehiyon XI, mamahimong ipadala ang mga sample alang sa diagnostic test o procedure sa Bago Oshiro, Mintal, Davao City.
Sharon Ajoc, HCDC MassCom Intern
