Base sa Memorandum #134 series of 2023, mas gipakusgan ang monitoring sa Davao region ug mapaspasan ang pagresponde sa mga panginahanglanon sa mga lugar sa rehiyon onse nga makasinati sa inter sity sa linog.
Gimandoan na usab sa RDRRMC-XI, ang mga lokal disaster sa pagmonitor sa ilang area of responsibility sa pagsusi sa mga nahimong danyos ug hugot nga koordinasyon sa rehiyonal nga buhatan alang sa hinanaling pagresponde kung gikinahanglan.
Subay sa talaan, adunay usa namatay sa Tagum City, upat nasamdan, Pantukan ug Mawab, Davao De Oro.
Natala usab ang ginagmay nga danyos sa mga gambalay ug imprastraktura sa Tagum City, New Corella sa Davao Del Norte, Davao City ug Boston, Davao Oriental.
Sa maong linog, kapin 500 ka pamilya o 2,000 ka individual ang gihikling sa ilang mga pinuy-anan sa Mati City, gumikan sa gideklara nga Tsunami Alert diin sa katapusan nga inpormasyon gibakwi na ang warning kagahapong adlawa.
Nakahimo na usab og Rapid Damage Assessment ang mga lokal nga kagamahanan sa mga lokalidad nga na-igo sa linog, samtang nabalik na usab ang linya sa koryente sa nasampit nga mga lugar.
Gikanayon ni RDRRMC XI Director Ednar Dayanghirang, nagdeklara na og pagsuspende sa klase sa tanang level ang mga Lungsod sa Boston,Manay, Mati City ug Davao City aron mahatagan og higayon ang inspection sa mga istruktura.
RadyoMaN Joel Viray
