Davao City – Walay angay kabalak-an sa direktang epekto ni bagyong Samuel dinhi sa Davao region.
Kini maoy gipaniguro ni Office of the Civi Defense 11 (OCD-XI) spokesperson Franz Irag atol sa interbyu kaniya sa tulumanong ‘Straight to the Point’ uban si RadyoMaN June Duterte diin sumala niini normal ang estado sa kasapaan sa tibuok rehiyon onse.
Hinuon, posibleng makasinati og moderate to heavy rain ang Compostela Valley, Davao Oriental, ug Davao del Norte.
Bisan padayon ang pagka alerto sa mga lokal nga Disaster Risk Reduction Management Council, gi-awhag sab niini ang katawhan nga padayong magmaigmaton ug makig-alayon sa Disaster Team aron masayod sa mga angay buhaton ilabi na kung magpatuman og pre-emptive evacuation.
Dugang ni Irag nga kanunay i-andam ang emergency bags aron panahon nga adunay masinatiang kalamidad, andam sa kanunay ang katawhan.
Base sa monitoring sa PAGASA, mu-landfall si Bagyong Samuel sa Visayas area karong buntag.
RadyoMaN Jason Amisola
