Davao City – Posible gihapong ulanon ang syudad ug ubang bahin sa rehiyon XI karong adlawa.
Kini ang gibutyag ni Al lumaan sa Pag-Asa Davao atol sa interview sa DXDC RMN Davao kaniya diin subay sa lakat sa panahon, ang tibuok dapit sa Mindanao makasinati sa patak-patak nga pag ulan kilat ug pagpanalugdog tungod kini sa localized thunderstorms, hinay ngadto sa kasarangan nga hangin ang magagikan sa silangan ngadto nasa amihanang silangan direksyon ug ang kadagatang hapsay ngadto na sa kasarangan ang pagbalud.
Kagabii subling gibaha ang pipila ka mga lugar sa syudad sa Davao tungod sa kusog nga ulan inubanan sa hangin kagabii.
Sumala sa Pag-Asa nga ang maong ulan tungod matud pa sa localized thunderstorms.
Tungod niini, adunay ubang balay nga gibaha ug mga pasaherong na-stranded nga girespondehan sa Task Force Davao human nga gitawagan sa DXDC RMN Davao team.
Gawas sa taskforce, anaa usab ang Sakop sa mobile patrol group sa Davao City Police Office nga mi-rescue sa ubang mga na-stranded nga mga pasahero.
RadyoMaN Renz Barbarona
