Kini ang gibutyag ni Dr. Ma. Theresa Bad-ang, Chairman sa Renal Transplant of Nephrology sa Southern Philippines Medical Center kun SPMC atol sa AFP-PNP presscon kagahapong adlawa, June 22, 2022.
Saysay sa doktora nga anaa pa sa 100% ang kidney function kung nag edad og 35 paubos apan og mu-edad og 35, nagahinay-hinay og ubos ang function niini by 1% kada tuig.
Dugang ni Dr. Bad-Ang nga mas muubos pa ang function sa kidney ilabi na’g dunay mga laing balatian sa kalawasan.
“If your kidney function is less than 15%, ida-dialysis na namin kayo… so if you are hypertensive that is uncontrolled for 10 years, you have lost 20% of kidney function. If you are diabetic at 5 years (uncontrolled), so 25 % you have lost it…” pagpasabot ni Dr. Bad-Ang.
Samtang gibutyag usab sa doktora nga naga-tanyag sila’g transplant sa SPMC og dili gusto mupailawom sa dialysis ang usa ka pasyente.
Apan aron malikayan ang dialysis ug transplant, tambag sa doktora nga mukaon og masustansyang pagkaon ingon man pag inom og tubig ang angay buhaton aron dili madaot ang kidney.
Karong bulana, Hunyo, ginaselebrar ang Kidney Month isip pag-pakalat og awareness sa katawhan bahin sa maayong pag-amuma sa kidney.
RadyoMaN Renz Barbarona
