Davao City – Miarangkada ang mga atleta gikan sa nagkadaiyang lugar sa rehiyon xi sa gipahigayong Batang Pinoy Mindanao games sa Oroquieta City, Misamis Occidental.
Sa pinakaulahing update sa talaan nga gipagula sa PSC (Philippine Sports Commission), anaa karon sa rank 2 ang Davao City nga dunay 84 ka mga medlaya diin 45 niini gold medals, 22 ang silvers samtang 17 ang bronze medals gani gisundan kini sa Davao del Norte nga anaa sa rank 3 nga dunay 105 ka mga medalya diin 39 niini ang gold medals, 27 ang silvers, 39 ang bronze medals.
Wala usab nagpalayo ang Tagum City nga anaa sa rank 5 nga dunay 80 na ka mga medalya nga nasakmit samtang anaa sa rank 12 ang Panabo City, rank 16 ang Sto.Tomas Davao del Norte nga gisundan sa Davao del Sur nga anaa sa rank 17.
Dugang niini, nakatungtong ang Mati City sa rank 20, rank 22 ang Hagonoy Davao del Sur, rank 33 ang Samal ug anaa sa rank 34 ang Malita, Davao Occidental.
Sa karon, nanguna ang General Santos City nga dunay 144 ka mga medalya.
Karong adlawa ang ulahing adlaw sa maong paugnat sa kusog nga nagsugod niadtong Marso 6 ug lauman pa nga dunay mga kausaban sa nasangpit nga mga rango.
RadyoMaN Renz Barbarona
