Davao City- Nagpabiling naka-heightened alert ang Davao Region ug nakalatag na ang seguridad alang sa 2nd State of the Nation Address (SONA) ni Presidente Ferdinand “Bongbong” Marcos.
Sa interbyu sa DXDC RMN Davao kang Police Major Catherine Dela Rey, Police Regional Office 11 spoksperson, walay hulga nga namonitor ang mga awtoridad may kalabutan sa SONA ni PBBM.
Daghang mga pulis ang nakabantay na sa mga lugar diin posibleng adunay ilusad nga lihok protesta.
Nagpahimangno ang PNP sa mga raliyista nga himuong malinawon ug dili makasagabal sa dagan sa trapiko ang ilahang aktibidad.
Ionbserba sa kapulisan ang maximum tolerance ngadto sa mga cause oriented groups nga muhimo sa ilahang demonstrasyon.
RadyoMaN Aimee Guinita
Facebook Comments
