Davao City – Nagpahinumdom ang Davao City Police Office (DCPO) sa publiko nga seguradohong essential kun importante ang biyahe pasulod sa Davao Region tungod sa ipatumang regional border control checkpoint sugod karong adlawa (Mayo 14, 2021), pagsunod sa guidelines nga gipagawas sa Regional Inter-Agency Task Force For The Management Of Emerging Infectious Diseases – Regional Task Force Against COVID-19 (RIATF-RTF)-XI.
Sa interbyu sa DXDC RMN Davao kang Police Captain Rosario Aguilar, DCPO Spokesperson, gibutyag niini nga ang mga assigned personnel sa Lumondao border checkpoint sa Davao, ang maoy mo-validate kung makonsiderang APOR (Authorized Person Outside of Residence) ang mosulod nga indibidwal, samtang kadtong dili, kinahanglan nga mag-presenta og negatibong resulta sa RT-PCR (Reverse transcription polymerase chain reaction) test.
“Mas mabusisi karon. Atoa gyong susihon ang matag usa nga musulod. So, mo-consume gyod na’g panahon. Lauman gyod nga naay taas-taas nga linya didto sa atong checkpoint,” segun ni Aguilar.
Panawagan sa DCPO sa mga motorista nga mosubmitar sa awtoridad diha sa border checkpoint ug i-comply ang mga requirements nga kinahanglan subay sa RIATF ug RTF-XI guidelines aron nga dili magka-problema ug dili mosamot og kalangan ang ilang biyahe.
RadyoMaN Kirby Manzon
