Davao Regional Prosecutor’s office walay natala nga paglapas sa human rights sukad gi-implentar ang Martial Law sa Mindanao

Davao City- Wala’y reklamo nga nadawat ang Davao Regional Prosecutor’s Office kabahin sa paglapas sa tawhanong katungod kon human rights sukad nga gi-implementar ang Martial Law sa Mindanao niadtong May 23, 2017.

Kini ang gisaysay ni Prosecutor Karl Andre Salcedo atol sa nahitabong AFP-PNP Press Conference.

Sumala ni Salcedo, wala’y nadawat maski usa ka reklamo ang 10 ka mga opisina sa Prosecutor’s Office sa rehiyon kabahin sa pagpangabuso subay sa implementasyon sa Martial Law.


Samtang matud ni Salcedo, wala sab task force nga gimugna ang Prosecutor’s Office aron mututok sa mga reklamo kabahin sa teroristang Maute group tungod dili man sab susama sa ubang mga lugar sa Mindanao ang problema sa Maute dinhi sa Davao Region.

Dugang niini, wala’y nabag-o sa sistema sa ilang buhatan bisan pa man nag deklara og Martial Law sa Mindanao tungod padayon gihapon ang ilang serbisyo hilabi pa nga duna’y mando gikan sa kaulohan nga “business as usual” ang tanang korte sa Pilipinas.

Kasamang Merle Comidoy

Facebook Comments