Davao City – Mudawat na ang mga resorts sa Island Garden City of Samal (IGACOS) og mga batang nag-edad 5 ug 65 anyos pataas nga Davao residents.
Sa interbyu sa DXDC RMN Davao kang Rosabel Jusguan, Samal Tourism Officer, subay sa nahimong agreement sa LGU Davao ug Samal giluagan nila ang maong restrictions sa age group sa mga taga-Davao nga buot musuroy sa mga resorts.
Gitugot na usab ang mga nag-edad 65 anyos pataas nga mga residente sa Davao.
Matud ni Jusguan, tanang mga turista nga musulod sa Samal kinahanglang adunay mga bookings na sa mga resorts ug istrikto nilang giimplementar ang No QR code, No entry policy.
Giablihan na usab ang mga island hopping tours apan kinahanglang masunod ang required capacity sa matag lantsa ug minimum public health protocols sama sa pagsuot og face masks.
RadyoMaN Aimee Guinita
