Davao City – Human sa nahitabong bug-at nga dagan sa trapiko sa milabay’ng Pasko, lauman na usab sa mga Dabawenyo ang laing build-up sa mga sakyanan ingon man congestion sa kadalanan karong Disyembre 30, 2018 subay sa 122nd Rizal Day Anniversary.
Sumala ni Davao City Transport and Traffic Management Office (CTTMO) chief Dionisio Abude nga base usab sa iyang proposal, apektado ang dalang C.M. Recto San Pedro, Bolton Rizal, Bolton Ponciano, Anda Rizal, ug Pichon Anda paingon sa rotunda sa C.M Recto sa Bonifacio.
“Naa koy balita nga basig ipa-expand pa ni nila unya no parking policy pa ni dinhi (na mga areas) gani expect nato ang build-up congestion sa mga sakyanan,” pagpasabot niini.
Segun ni Abude nga sagad conflict areas mao ang dalan sa Quirino ug Boulevard gani nagpahimangno kini sa mga buot mamalengke nianang adlawa, Domingo, sa Bankerohan Public Market nga sayuhon nalang ang pagpangompra sama ugma, petsa 28 o bin ba kaha sa petsa 29.
Samtang gi-awhag niini ang mga mubyahe paingon sa South nga mamahimong muagi nalamang sa Marfori dayon Circumferential road ug gawas San Rafael paingon Diversion Road aron dili na makadugang sa kahuot sa trapiko sa dalang Quirino aron muagi sa Mc Arthur Highway.
RadyoMaN Jason Amisola
