Davao City – Pagpangawat sa cable sa linya sa internet sa dakbayan ang rason sa problema sa internet dinhi sa dakbayan sa Davao.
Kini mao ang gibutyag ni Davao City Councilor Conrado Baluran human midangop ug nangayo og dispensa sa ilang buhatan ang usa sa dakong internet provider ning syudad.
Sumala ni Baluran, ginakawat ang maong mga kable aron matud pa ibaligya ang sulod nga copper wires niini diin mapalit sa P500 ang matag kilo.
Gani isip Chairperson sa Committee on Transportation and Communication, giduso niini isip first reading ang pagmugna og legislation bahin sa pagsiaw sa pagpangawat og cable wires.
Kahinumdoman nga sa milabay’ng semana gipabuhagay niini nga pinakaunang reklamo matud pa sa ilang buhatan mao ang hinay nga internet connection.
RadyoMaN Jason Amisola
