Davao City – Aminado ang Davao Taxi Drivers Association (DTDA) nga mi-angal na sila tungod sa wa’y puas nga pagsaka sa presyo sa produktong petrolyo karong panahona.
Giingon ni DTDA President Joms Laviña, apektado na kaayo ang ilang kita sulod sa 24 oras nga pamasada gumikan sa taas na kaayong presyo sa matag-litro sa diesel ug gasolina karon.
Segun ni Laviña, dili na paigo ang ilang income sa matag boundary kay sa tubil palang mokabat na sa P3,000 ug wa pa’y labot ang pambayad sa renta ug ang mabilin anaa nalang sa P500-700, ug kung di malason magka-balanse pa sila sa kompanya sa taxi.
Apan bisan paman niini, walay plano ang Davao Taxi Drivers Association nga mangayo og usbaw ang pletehan sa taxi, rason nga mag-agad lang sila kung unsang fare rate ang ipatuman sa LTFRB.
RadyoMaN Joel Viray
Facebook Comments
