Davao terminal nangandam sa passenger influx sa Semana Santa

32

Davao City – Gilauman karon sa Davao City Overland Transport Terminal (DCOTT) nga mudagsa karong adlaw’ng Sabado, Abril 13, ang mga pasahero subay sa Semana Santa.

Sumala ni DCOTT manager Aisa Usop nga sa pagkakaron wala pay pagtaas sa ihap sa mga pasahero nga mibyahe karong panahona.

Saysay ni Usop nga sa milabay’ng bulan pa lang gistorya na niini ang mga bus operators nga pangandaman ang pagdagsa sa mga pasahero gani giawhag nga mangapply og permiso ngadto sa Land Transportation Franchising and Regulatory Board (LTFRB) alang sa dugang nga mga bus isip tubag kun galing makulangan og sakyanan.

Subling nagpahinumdom ang DCOTT manager sa mga gidili sama sa mga mahait nga hinagiban, pagbitbit og endangered species sama sa hayop ug tanum ilabi na pag walay clearance gikan sa DENR.

Alang usab sa mga pasahero nga mag bitbit sa ilang mga alagang iro o iring, kinahanglan kini suotan og diaper aron dili mag hugaw-hugaw sulod sa bus gani kinahangkan ipresentar usab ang record nga na-injectionan na kini og anti rabbies.

RadyoMaN Jason Amisola

Facebook Comments