Davao City – Giklaro ni Davao City Mayor Sara Duterte-Carpio nga wala pa ginatugot ang tourism travels padulong sa syudad sa Davao pinaagi sa Davao International Airport (DIA).
Matud sa alkalde, subay sa Omnibus Guidelines sa Inter-Agency Task Force (IATF), gidili pa ang biyahe sa turismo.
Sa pagkakaron, ginatugotan lamang sa Davao flights kadtong APORs (Authorized Person Outside of Residence) ug non-APORs nga adunay dalang saktong dokumento sa ilang biyahe.
“Sa Omnibus Guidelines sa IATF, bawal pa ang tourism travels. So, ang atoang commercial flights, they carry APORs and non-APORs provided nga naa silay correct documentation pagsulod sa Davao International Airport,” tataw niini.
Matud sa Alkalde, dili modaghan ang pasahero o flights nga moabot sa syudad luyo sa pagtugot sa tanang klase sa flight gikan ug padulong sa Davao City, diin ang kasamtangang flights karon ang maoy ginatugot usab sa airline companies.
“Wala ‘tay expectation nga mas daghan ang pasahero ug flights nga muabot because kanang commercial flights nato karon, mao na siya ang basehan sa kagustohan sa mga airlines kung pila ilahang i-mount nga flights to and from Davao International Airport,” segun niini.
RadyoMaN Kirby Manzon
