Davao City – Naestablisar na daan sa Davao City Police Office (DCPO) ang pagmungtar og unang responders ugaling adunay mga hulga ug insidenteng makaguba sa kalinaw ug kahapsay sa syudad sa Davao.
Sumala ni DCPO spokesperson PSI Maria Teresita Gaspan atol sa AFP-PNP press conference nga adunay mga tourist police ug police assistance desk sa mga hotels ug tourist destinations lakip sa mga seaports ug airport dinhi sa dakbayan ang ilang gipakatag isip unang muresponde sa mga kinahanglanong tabang sa katawhan apan mas gipaalerto kini karon.
Subay kini sa nadawat nga bomb threat sa mga empleyado sa sa usa ka hotel nga nahimutang sa may F.Torres St. Barangay 9-A ning siyudad sa Davao diin sa report sa San Pedro PNP, daling gihimo ang Clearing ug Paneling inspection EOD Team apan walay nakaplagan nga IED kun bomba ug walay nakitang bagahi nga gibilin sa maong hotel.
Bisan paman niini, gipaalerto karon ang mga tourist police sa pagbantay sa mga hotels ug tourist destinations ilabi na nga adunay nahitabong pagpamomba sa Isulan, Sultan Kudarat.
RadyoMaN Renz Barbarona
