Davao vaccination sites alang sa 5-11 years old abli na sa walk-ins

Davao City – Padayong giawhag sa City Government of Davao ang mga ginikanan sa pagpabakuna sa ilang mga anak nga 5-11 years old tungod kay aduna nay mga vaccination site sa syudad nga mo-cater niini.

Sa kasamtangan, tulo (3) ka vaccination hubs ang abli na alang sa walk-in pediatric vaccination nga nahimutang sa Almendras Gym, San Roque Central Elem. School ug Vicente Hizon Elem. School nga abli gikan Lunes hangtud Biyernes (except for Holidays) gikan alas 8:00 sa buntag hangtud alas 3:00 sa hapon.

Kinahanglang nga magdala sa musunod nga requirements: PSA copy sa birth certificate o valid student ID sa bata, valid ID sa ginikanan o guardian, SafeDavao QR (DQR) sa bata ug ball pen.

Kinahanglan usab nga legal age ang guardian nga mukuyog sa bata ug aduna kini parent’s consent o barangay certificate of legal guardian.

Nagpasalamat usab si Dr. Michelle Schlosser, Spokesperson sa Davao City COVID-19 Task Force sa Southern Philippines Medical Center (SPMC) ug uban pang pribadong hospital kung asa unang gihimo ang 5-11 years old vaccination diin anaa sa 2,207 ang nabakunahan sulod sa usa ka semana.

Target karon sa City Governemnt of Davao nga makabakuna og kapin 250,000 ka mga indbidwal nga anaa sa naasoy nga age group.

RadyoMaN Kirby Manzon

<www.avast.com/sig-email?utm_medium=email&utm_source=link&utm_campaign=sig-email&utm_content=webmail>