Davao City- Cleared na ang Davao City sa COVID-19 variants apan nagpabilin gihapon kining hulga sa posibleng surge sa kaso,
Sumala ni City Health Office head Dr. Ashley Lopez sa interbyu sa DXDC RMN Davao.
Gibutyag ni Lopez, aron mapugngan ang pagsulod sa variants ug pagsutoy sa kaso dili gayod luawagan ang mga quarantine measures.
Matud niini, sa kasamtangan nagpabilin ang Davao sa General Community Quarantine hangtod Marso 31, apan mag-agad kini sa IATF ug lokal nga panggamhanan ang sunod nga quarantine status sa dakbayan sa Abril.
Tungod potential sa mass gatherings ang taliabot nga Semana Santa, kinahanglang ipabilin gihapon ang syudad sa GCQ, matud niini.
“Katong mga nag-MGCQ sa Manila gibalik sa GCQ. Siguro kita in anticipation na lang pod sa surge, as a safeguard kung ako lang personally i-maintain lang gyod unta ang GCQ,” sumala ni Lopez.
Matud niini, dili pa i-lift ang liquor ban ug curfew sa syudad.
Panawagan niini sa publiko ilabina mga gikan sa gawas o gikan sa trabaho diin anaa ang taas nga kaso sa tinakdanay sa mga workplaces, nga magsul-ob og facemask sulod sa ilang mga panimalay kung aduna may mga gagmay’ng bata, mga immune-compromised o adunay mga comorbidities nga mga kauban.
RayoMaN Aimee Guinita
