Sa interview sa DXDC RMN Davao kang Tan, iyang gisaysay nga bisan og dili siya supporter ni Marcos, dili siya mutuo nga nabutang sa listahan si PBBM sa mga nalambigit sa droga kaniadto. Samtang, nakita usab niya nga maayo ang mga lakang karon sa gobyerno sa pagpalambo sa ekonomiya sa nasud.
Nagtuo usab ang Davaoeño nga dili maapekto sa iyang administrasyon ang maong mga alegasyon. Dugang niya nga ang nakasamok lamang karon mao ang isyu sa People’s Initiatives asa nalambigit si House Speaker Martin Romualdez.
“Mura’g 50-50 akong patuo. Dili gyud ko fully convinced nga naa sa listahan (drug watch list si PBBM). Siya (FPRRD) naa syay katungod muistorya kung tinuod man na kay siya may nakakita. Lisod man pud sab ‘ta nga mo-heed sa iyang statement nga wala man koy nakita diha nga pangalan ni BBM nga naa sa matrix sauna sa mga watchlist sa drug users or drug lords ba,” saysay ni Tan.
Kaganing buntag, nitubag na si PBBM ug iyahang hugtanong gilimod ang alegasyon ni FPRRD nga nalambigit kini sa droga ug basin nagapataka nalang og istorya ang kanhi presidente tungod sa iyahang ginatumar nga tambal.
Nagpagula na usab ang PDEA nga wala nabutang sa drug watch list sukad-sukad ang kasamtangang presidente.
RadyoMaN Kirby Manzon
