Sa interbyu sa DXDC RMN Davao kang Evelyn Almazan, taga Matina Aplaya, Davao City, gisaysay niini nga base sa iyang naobserbahan kaniadto, adunay mga mas naglisod nga pamilya ang wala nahatagan og tyansa nga maka-apply sa programa.
“Mura’g ang ila ra man pong gipili kadto lang man pong duol duol sa ilahang dughan. So, daghan kaayo ang nagreklamo. Kadtong deserving gyud nga tanggalon, tanggalon. Pero kadtong deserving pud nga masulod, mao pud ‘to ang pasudlon,” saysay ni Almazan.
Gibutyag ni Department of Social Welfare and Development (DSWD) Secretary Erwin Tulfo, muabot sa 1.3 million nga benepisyaryo sa 4Ps ang tanggalon sa programa.
Matud sa DSWD official, mokabat sa 15 billion pesos ang budget nga itagana sa bag-ong kwalipikadong benepisyaryo nga maoy ipuli niadtong mga tanggalon sa listahan.
RadyoMaN Kirby Manzon
