Davao City – Ang pagpabakuna gihapon ang nakita sa Davao City Coronavirus Disease 2019 (COVID-19) Task Force nga panagang batok sa bag-ong variants sa COVID-19 sama sa “highly transmissible and immune-evasive” Omicron BQ.1 nga na-detect sa nasud, subay sa kumpirmasyon sa Department of Health (DOH).
Matud ni Dr. Michelle Schlosser, tigpamaba sa Davao City COVID-19 Task Force (sa interbyu sa city-owned radio), ang pagpabakuna proteksyon sa kaugalingon ilabi na karon nga luag na kaayo ang restrictions batok COVID-19 diin gitugot na ang mga in-person activities.
“Atoang focus is for people to get their vaccine kay even if hinay hinay na ta’g balik sa atong kinabuhi, pre-pandemic, ang atoa is maproteksyonan ang katawhan gikan sa severe and critical type of COVID nga makamatay,” saysay ni Schlosser.
Una na’ng nagpasidaan ang mga health expert sa publiko nga posibleng mosaka ang COVID-19 cases karong holiday season ilabi na nga wala na nagasuot og face mask ang ubang tawo tungod sa paghimo niining optional.
RadyoMaN Kirby Manzon
Facebook Comments
