Davao City – Gipahimangnuan sa City Health Office (CHO) ang publiko nga musunod gihapon sa mga health protocol bisan pa man nga luag na ang restrictions sa COVID-19.
Sa interbyu sa DXDC RMN Davao kang Dr. Jojit Marbas, Acting Assistant City Health Officer, gibutyag niya nga angayang magdoble amping gihapon ang katawhan ilabina kung musalmot sa mga aktibidad sa Araw ng Davao diin laumang modagsa ang mga tawo sa event areas.
Kanunayon gihapon ang paghugas og kamot, pagdala’g alcohol ug kung gikinahanglan magface mask.
Tambag niini sa mga adunay sintomas ug adunay gibati, magpundo nalang sa panimalay ug dili na pugson pa ang kaugalingon nga musalmot sa mga aktibidad.
Alang usab sa safety sa mga adunay comorbidities ug mga senior citizens, likayan usab ang pakigdasok sa mga tawo sa crowded areas diin pahinumdom niini nga dili angay kalimtan nga unahon usab ang panlawas nga kaayuhan.
RadyoMaN Aimee Guinita
Facebook Comments
