Davao City – Nagpahinumdom ang Davao City Coronavirus Disease 2019 (COVID-19) Task Force sa publiko nga mahimong responsable sa mga aktibidad karong Undas kun Kalag-kalag.
Matud ni Dr. Michelle Schlosser, tigpamaba sa Davao City (sa interbyu sa city-owned radio), kung mahimo likayan ang pagpundo og dugay sa mga lugar kung asa dagsa ang mga tawo aron kalikayan ang risgo sa COVID-19 transmission.
“Kung mahimo lang, i-modify nato ang atong mga tradition and then buhaton nato as short as possible ang atong mga gathering sa mga crowded places and then continue nalang your gathering sa inyong tagsa-tagsa ka mga panimalay,” saysay ni Schlosser.
Dugang sa health official, kinahanglang estrikto nga sundon sa katawhan ang ginapatumang minimum public health standards batok COVID-19 ug importante nga makapabakuna aron malikayan sa risgo hatud sa maong balatian.
RadyoMaN Kirby Manzon
Facebook Comments
