Davao City – Dakung uyon ang kasagaran sa mga residente ning syudad sa sugyot-balaudnon nga subling banhawon ang capital punishment kun silot-kamatayon alang sa mga makalilisang nga krimen susama sa labing ulahing insidente sa rape with murder sa entero pamilya didto sa San Juan Del Monte Bulacan.
Sa programang RMN Straight to the Point uban ni Kasamang June Duterte, sagad sa mga nagtunol sa ilang reaksyon nisugot sa mas bug-at nga matang sa silot haron dili na kini pamarisan pa sa uban.
Sa susamang tulumanon, gisugilon ni Dante Jimenez sa human rights advocacy group Volunteers Against Crime and Corruption (VACC) nga ang death penalty revival bill natanggong karon didto sa hawanan sa kongreso hinungdan nga ilang gihagit ang balay-balauranan nga paspasan ang deliberasyon niini gumikan sa mga krimen nga nagapanghitabo sa nasod karon.
Kasamang June Duterte
