Davao City – Karong 2019 ang ika-17 ka tuig sa pagpatuman sa Davao City sa anti-smoking ordinance sa mga pampublikong lugar sa syudad human kini gisugdan niadtong tuig 2002. Pito ka tuig usab sa dihang gi-amyendahan ang maong ordinansa nga mas gipanindot pa gikan sa orihinal niining bersyon.
Gibutyag ni Davao City Mayor Sara Duterte-Carpio nga tumong sa maong anti-smoking campaign mao ang pagpreserba sa kahimtang sa panglawas sa mga Dabawenyos.
Nasayran nga gipasidungdan ang dakbayan sa kampanya niini kontra pagpanigarilyo dili lamang sa Red Orchid Hall of Fame Awards sa Department of Health kundili lakip na usab ang international bodies sama sa Southeast Asia Tobacco Control Alliance, sa kalampusan sa smoking ban.
Nasayran nga dako’g ikatabang ang maong kampanya sa pagbaton og mas limpyo nga hangin alang sa mga Dabawenyos.
Samtang nasayran nga daghang mga makuhang balatian pinaagi sa pagpanigarilyo mao ang lung cancer, heart disease, diabetes, liver cancer, erectile dysfunction, ectopic pregnancy, vision loss, tubercolosis ug daghan pang uban pa.
RadyoMaN Kirby Manzon
