Davao City – Natunulan og P15,000,000 nga cash assistance ang probinsiya sa Davao del Norte gikan mismo sa National Government alang sa mga naapektuhan sa linog nga miigo niadtong Oktubre 10, 2025.
Personal nga gitunol ni President Ferdinand “Bongbong” Marcos Jr. (PBBM) ang maong hinabang atol sa iyang pagbisita sa Davao Region, diin gidawat kini ni Governor Edwin “Kuya Gob” Jubahib inubanan sa mga opisyal sa lokal nga panggamhanan.
Matod pa ni Governor Jubahib, prayoridad karon sa probinsiya ang pag-ayo sa mga pampublikong pasilidad aron masiguro ang kaluwasan ug maserbisyohan gilayon ang publiko. Padayon usab ang koordinasyon tali sa probinsyal ug nasyonal nga mga ahensya aron mas mapaspasan ang paghatod sa tabang ug rehabilitasyon sa mga lugar nga naapektuhan sa sunod-sunod nga linog sa Davao Region.
RadyoMan Kareen Beltran
Facebook Comments
