Kini human sa gipagula kagahapong adlawa (Hulyo 21, 2022) nga Executive Order (EO) 26, Series of 2022 nga pirmado ni Davao del Norte Governor Edwin Jubahib sa paghimong mandatory sa pagpabakuna ug pagpa-booter sa 5 anyos pataas sa probinsya.
Sa interbyu sa DXDC RMN Davao kang Bert Peri, taga Kapalong, Davao del Norte, gipasabot niini nga adunay mga menor de edad nga adunay balatian rason nga dili angay nga ipugos kanila ang bakuna gawas lang kung kini adunay pagtugot sa doktor.
“Sa ako lang, i-identify siguro basin naay mga bata nga naay gipangbati sa lawas. Dili siguro na i-mandatory. Ipaagi siguro na og clearance sa doctor,” sulti niini.
Nakalatid usab sa EO ang pag-obliga sa tanang pampubliko ug pribadong establisyemento nga ipatuman ang DavNor QR Code System ug pag-check sa vaccination card sa mga kliyente pag-check sa vaccination status niini.
Samtang, gitahasan ang Barangay Officials ug Barangay Health Workers nga magbaton og listahan kung kinsa ang dili pa bakunado matag purok alang sa maong lakang.
RadyoMaN Kirby Manzon
