Davao City – Muabot sa kapin P500M ang nahimong damyos sa African Swine Fever (ASF) sa probinsya sa Davao Occidental.
Sa interbyu sa DXDC RMN Davao kang Marivic Hubac, ang Head Executive Assistant sa probinsya sa Davao Occidental, gikumpirma niini nga anaa sa 4,000 ka mga hog raisers ang naapektuhan sa ASF sa entero probinsya.
Matud ni Hubac nga matag barangay nagbaton na og ASF Task Force aron mamonitor kanunay ug malikayan ang pagkatag pa virus kun ginatawag nga biosecurity measures.
“Nag established sila’g ilang task force, incident command center for ASF para dunay efficiency sa monitoring,” saysay ni Hubac.
Sa pagkakaron matud sa opisyal nga gina proseso na ang ‘financial assistance’ sa apektadong hog raisers ingon man ginapaabot ang tabang pinansyal gikan sa Department of Agriculture (DA).
RadyoMaN Kirby Manzon
