Davao City – Nagpabiling igmat ug alerto ang Davao Occidental Provicincial Disaster Risk Reduction Management Office karon nga nagpadayon gihapon ang pag-ulan sa ilang probinsya.
Segun ni Emma Lopez sa Davao Occidental PDRRMO nga gipahimangnuan nila ang katawhan nga magbinantayon ug mutuman sa mga advisories.
Walay natalang damyos o missing nga indibidwal atol sa pag-landfall ni Tropical Depression Chedeng sa Malita kagahapong adlawa ug nahimo na kining LPA.
Matud ni Lopez nga mokabat sa 471 families ang gipang-evacuate diin 199 ka pamilya o 460 ka mga indibidwal ang gipanghikling sa Malita samtang 272 ka pamilya sa Don Marcelino.
Samtang sa datos gikan Marso 18-19,2019 gikab sa Malita Municipal Social Welfare and Development nga 525 ka mga pamilya ang natulunan og mga food packs sa upat ka mga barangays nga labing apektado ni Tropical Depression Chedeng nga anaa sa mga evacuation centers.
Dako ang pasalamat ni Ludivina Arnival nga taga-Barangay Fishing Village, Malita Davao Occidental kinsa uban ang iyahang mga pamilya nibakwit sa Kidalapong Elementary School nga walay kadaot nga gibilin si TD Chedeng sa ilang dapit.
RadyoMaN Aimee Guinita
