Davao City – Human nga gitay-ug og magnitude 6.0 nga linog ang Davao Oriental kagahapong adlawa, sunod-sunod nga aftershocks ang natala sa Philippine Institute of Volcanology and Seismology (PHIVOLCS) karong adlawa, April 6.
Base sa report sa PHIVOLCS, sugod kaganinang 2:55 sa kadlawun, gilinog ang nasangpit nga lugar og magnitude 2.6 nga linog diin aduna kini gilay-un nga 36 kms sa sidlakang bahin sa Tarragona ug aduna kini giladmon nga 12 kms.
Samtang kaganinang alas 12:31 sa udto, subling gitay-ug ang maong lugar og magnitude 2.6 ug pag abot sa alas 12:42 sa udto, magnitude 2.6 gihapon nga linog ang mitay-ug sa nasangpit nga lugar.
Parehong tectonic ang tinubdan sa maong mga linog ug matud pa nga walay laumang damyos ug aftershocks niini.
RadyoMaN Renz Barbarona
