Davao City – Hinay-hinay na’ng gi-abrihan ang mga tourism establishments sa Davao Oriental sugod niadtong June 12, 2020.
Sa Province of Davao Oriental official website, anaa sa 300 ka mga tourism establishments sagad mga beach resorts, hotels ug restaurants ang nag abri na alang sa mga turista subay usab sa kumpirmasyon ni Miguel Trocio, Davao Oriental Provincial Tourism Officer.
Samtang, gumikan sa Coronavirus Disease 2019 (COVID-19), lauman na sa mga turista ang mga kabag-ohan nga ipatuman isip kabahin sa new normal diin ipatuman ang istriktong health protocols.
Gipulong na usab sa Provincial Task Force on COVID-19 ang tourism operators ug mga owners and managers sa resorts, hotels, ug restaurants aron mapatuman ang guidelines gikan sa Department of Tourism (DOT).
RadyoMaN Kirby Manzon
