Davao City – Moabot na sa siyam ka mga gold medals, walo ka silver ug walo ka bronze ang naipon karon sa Davao City Durians hinungdan nga nagpabilin kini sa rank 1 sa nagpadayong Davao Region Athletic Association (DAVRAA) Meet 2018.
Kini base sa pinakaulahing update sa DAVRAA diin gisundan ang Davao City sa Digos City nga naa sa rank 2 ug adunay 5 ka gold medals, rank 3 ang Tagum City nga duna usab 5 ka gold medals, anaa sa rank 4 ang Davao del Norte, samtang anaa sa rank 5 ang Davao del Norte, anaa sa rank 6 ang Davao Occidental, wala usab nagpaiwit ang Compostela Valley nga anaa sa rank 7, rank 8 ang Mati City, rank 9 ang IGACOS, rank 10 ang Panabo City ug rank 11 ang Davao Oriental.
Sa pikas bahin, nahinabi ni Radyoman Erin Lumosbog ang gold medalist sa Secondary 400m Hurdles nga si Raul Cultivar Jr. nga gikan sa Sto. Tomas, Davao del Norte kinsa miawhag sa ubang atleta nga ipadayon lang ang mga pangandoy sa kinabuhi ug musalig lang sa kaugalingon.
Sa karon, pipila ka mga events ang padayong ginapahigayon sa syudad sa Davao sama sa athletics, basketball ug uban pa.
RadyoMaN Renelyn Barbarona
