Davao City – Dul-an usa ka gatos na ka medalya ang nakuha sa Davao City Durians sa ikatulong adlaw sa Davao Region Athletic Association kun DAVRAA Meet 2018.
Base sa pinakaulahing update sa talaan gikan sa DAVRAA officials, 45 ka gold medals, 33 silvers ug 19 bronze medals ang nasakmit karon sa Durians hinungdan nga nagpabilin kini sa rank 1.
Samtang 16 ka gold medals, 11 silvers ug 14 bronze medals ang naipon sa Tagum City nga sa kasamtangan anaa sa rank 2 gani miarangkada sa rank 3 ang Digos City nga dunay 9 golds, 7 silvers ug 12 bronze medals.
Dugang niini, wala nagpaiwit ang Davao del Norte nga anaa sa rank 4, mitungtong sa rank 5 ang Davao del Sur nga gisundan sa Davao Occidental nga naa sa rank 6 samtang rank 7 ang Compostela Valley, rank 8 ang Panabo City, anaa sa rank 9 ang Davao Oriental, rank 10 ang Mati City ug anaa gihapon sa rank 11 ang IGACOS.
Sa karon, mas niinit ang tigiay sa mga atleta sa nagkadaiyang events sa DAVRAA ilabi na nga sagad ginadula karon pang-finals na tungod duha nalang ka adlaw ang ginahulat ayha mahuman ang maong paugnat sa kusog.
RadyoMaN Renz Barbarona
