Davao City – Dili sumala pa angay ikabalaka sa mga ginikanan ang himuong make-up classes sa ilang mga anak tungod paggamit sa mga eskwelahan alang sa Davao Region Athletic Association (DAVRAA) Meet 2019.
Kini ang gisaysay ni Jenielito ‘Dodong’ Atillo, spokesperson sa Department of Education (DepEd)-XI sa pakighinabi sa DXDC RMN Davao human nga adunay mga eskwelahan nga gamiton alang sa aktibidad nga magsugod karong Dominggo, Enero 27, 2019 hangtud sa Pebrero 2, 2019.
Saysay ni Atillo nga wala nagpasabot nga adunay himuong klase sa weekend alang sa maong make-up classes. Eksperto na usab sumala pa ang mga principal sa pagpahilona sa klase tungod sa maong sitwasyon.
“Make up classes na man does not literally mean nga mag conduct gyud ta’g make-up classes on a Saturday. It can be.. you will do some provision of… kining mga trabaho sa sulod sa classroom or assignments or mga proyekto.” sigun ni Atillo
Matud pa sa DepEd spokesperson nga gilauman na nila ang hina-hinay nga pag-abot karong Biyernes sa delegasyon sa maong sporting event diin anaa kini sa 7,700 ka indibidwal nga gilangkuban sa mga athletes, coaches, chaperone, delegation officials ug uban pa.
RadyoMaN Kirby Manzon
