Davao City – Ikasa sa PNP sunod semana ang rehearsal para sa seguridad sa duha ka mga dagkong event dinhi sa Davao City.
Gianunsyo ni Pnp Deputy Director General for Operations Camilo Cascolan nga gipangandaman sa kapulisan, kasundaluhan ug sa tanang mga ahensya ang taliabot nga Davao Region Athletic Association (DAVRAA) meet karong Pebrero 17-23 ug ang simultaneous exercise o ang Task Group Southern Storm diin ang syudad maoy nahimong pilot area karong Pebrero 26-Marso 2.
Matud ni Cascolan daghang scenarios atol sa ‘Simultaneous Exercise’ kun (Simex) ang aksyuanan sa mga tinugyanan sa balaod sama sa kunuhay pagbusikad sa bomba, hostage taking diin makita kung unsa ka hitsas ang tanan sa matang sa maong mga krisis.
Subay niini giengganyo ni Davao City Mayor Inday Sara Duterte Carpio ang mga katawhan nga suportaan ang himuong simex nga magkinahanglan nga ipailawom sa lockdown ang lungsod atol sa maong aktibidad.
RadyoMaN Aimee Guinita
