Davao City – Arestado atol sa buybust operation sa Philippine Drug Enforcement Agency Regional Office XI ang gikonsiderang number 3 Target List sa Davao del Sur.
Sa may Villegas Street, Purok 12, Brgy Aplaya, Digos City gikasa sa mga awtoridad ang operation diin positibong napalitan ang suspek nga si Randy Olarte alyas Picot, 44 anyos human kini mapalitan og nagkantidad sa P15,000 nga gituohang shabu sa Agent sa PDEA nga nagsilbing poseur buyer.
Narekober usab sa PDEA ang 2 gramos kun P30,000 street sa value sa shabu sa posisyon sa dinakpan.
Sikop usab ang 27 anyos nga giingong drug den visitor nga si Danrey Cañedo Barota, 27 anyos residente sa Almendras Street, Barangay Bayanihan, Padada, Davao del Sur ug nakuhaan kinig usa ka gamay nga pakete sa droga.
Kasong may paglapas sa RA 9165 ang gipasang-at batok sa duha ka suspek kinsa priso na karon sa PDEA detention facility.
RadyoMaN Aimee Guinita
