Davao City – Planong maglusad ang Davao del Sur Provincial Police Office (DSSPO) og binulan nga One Time Big Time (OTBT) operations sa probinsya.
Kini human nga ubay-ubay ka mga indibidwal ang nasikop sa gihimong operasyon niadtong Miyerkules (Pebrero 24, 2021) sa tibuok probinsya diin anaa sa napulo (10) ka police stations ug 2 mobile force companies uban ang lain pang ahensya sa gobyerno ang mipartisipar.
Anaa sa 31 ka indibidwal ang nasikop diin 5 niini ang violators sa illegal drugs, 6 ka tao sa illegal gambling, 1 ka tao sa illegal possession of fire arms, 6 ang naarestong most wanted persons, 10 nga ubang most wanted persons, 1 ka nakaikyas sa Davao Prison Colony ug laing duha.
Samtang, anaa usab sa 453 ka drivers ang nasikop ug naisyuhan og Temporary Operator’s Permit (TOP), 15 ka sakyanan ang na-impound ug anaa sa 105 citation tickets ang naisyu sa nagkadaiyang Local Government Units (LGUs)
Gidayeg ni Provincial Director Police Colonel Alberto Lupaz ang mga personahe sa DSPPO, Land Transportation Office (LTO), Criminal Investigation and Detection Group (CIDG), Philippine Drug Enforcement Agency (PDEA) ug uban pang units sa malampusong operasyon ug unang OTBT operation karong tuiga.
“Because of these positive turn outs, we are now planning to make this One Time Big Time on a monthly basis and hopefully increase the accomplishments as we go along,” matud ni Lupaz.
RadyoMaN Kirby Manzon
