Tuman ang paghinulsol ni Bonny Jimenez, 39 anyos sang Barangay Taganhin, Tapaz Capiz sa pagluthang-patay sa iya detachment commander nga si Staff Sgt. Ronilo Esoy, 40 anyos sang Brgy. Dayhagan, Pilar Capiz.
Base sa panaysayon ni Jimenez, nagtanum siya sang kaakig sa iya commander matapos ginli-ab, gintikwang kag ginbuyayaw siya sini rason nga iya naluthangan.
Suno sa iya, indi niya mabaton nga ginpatup-an siya sang opisyal bangod lima (5) ka tuig na siya nga CAFGU kag wala siya nakaagi ginpadapatan ukon napatup-an.
Madumduman nga naglisensya kuntani si Jimenez nga magdul-ong s aiya pamilya sang nagligad nga gab-i apang wala ini ginpasugtan ni Esoy bangod nakaheightened alert status ang militar.
Kagabi, matapos ang formation nagpadulong ang suspek sa admin office dala ang M16 armalite rifle. Nagsiling pa ini nga “ Kamusta Sir” kag ginsundan sang pagpa-arak sang luthang sa biktima gamit ang M16 armalite rifle nga naka-“automatic mode”.
Disidido naman nga magpasaka sang kaso ang pamilya sang biktima batok kay Jimenez.
Magapangatubang naman ini sang kaso nga murder.
Photo from web
