Sa ikaduhang adlaw sa transport strike sa nasud, wala gihapon naapektuhan ang mga sumasakay sa Cagayan de Oro. Kini tungod wala mosalmot ang kadaghanan sa mga jeepney sa strike nga agig pag supak sa jeepney modernization program nga gilaraw nga ipatuman sa gobyerno.
Rason sa kadaghanan sa mga drivers, kinahanglan mamasahero sila para duna makaon ang ilang pamilya. Samtang ang uban taliwala nga supak sila sa maong jeepney modernization, wala silay choice kundi padayon ang pagpanginabuhi pinaagi sa pag biyahe sa ilang mga jeepney.
Hinoun sugod kagahapon malinawon ang pagpahigayon sa strike ug welga sa pipila lamang ka mga jeepney drivers and operators sa siyudad ug wala kini nakabalda sa mga pasahero. Nakatabang pod niini ang pag suspende sa klase ug trabaho sa gobyerno sa tibuok nasod sulod sa duha aka adlaw.
Ang otoridad padayong nagpasabot sa katawhan nga ang tuyo sa jeepney modernization sa nasud mao ang paghatag ug luwas ug hamugaway nga pagasakyan ang publiko, lakip na ang pagminus sa aso nga gibuga niini aron maampingan ang kinaiyahan.
Apan ang mga raliyestang mga drivers ug operators namugos nga pabor lamang kini sa mga adunahang negosyante ug kini gitawag nila ug anti-poor tungod sa kamahal sa maong mga modern jeep nga pagpasahero nga mokabat ngadto sa usa ug tunga ka milyon ka pesos matag usa.
Unsa may sa tan-aw nimo idol angay bang ipadayon ang pag phase out sa mga daan nga jeepney ug hulipan na kini sa mga modern? Comment lang.
