Day Care Center sa Capiz Police Provincial Office, magabukas na sa masunod nga semana!

Roxas City, Capiz – Magabukas na sa masunod nga semana ang Capiz Provincial Learning Center sa Capiz Police Provincial Office(CPPO).

Ini matapos nga aprubado na ang isa ka Memorandum of Agreement sa tunga sang Capiz Police Provincial Office kag City Government para sa pagbukas sang nasambitan nga Day Care Center para sa mga bata sang mga kapulisan.

Nakapagkit sa amo nga kasugtanan nga ang gobyerno sang syudad ang maga-abaga sa honorarium nga pagabatunon sang isa ka day care center worker.


Suno sa chairman sang Committe on Women and Children nga si City Councilor Trina Marie Almalbis-Ignacio, kapin sa 60 ka mga kabataan ang sarang nga makasulod sa nasambitan nga day care center.

Nahibaluan nga ini ang labing una nga day care center sa bilog nga Western Visayas nga ginpatindog sang Provincial Office sang PNP.

<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments