Manila, Philippines – Kasunod ng pagdiriwang ngayong araw ng Day of Seafarer, nagsasagawa ang Department of Transportation (DOTr)-Maritime Industry Authority (MARINA) ng job fair para sa mga manlalayag.
Sa abiso ng DOTr-MARINA nag-umpisa ang caravan kaninang alas 7:30 ng umaga at tataggal hanggang mamayang alas sinco y medya ng hapon.
Ginaganap ang nasabing job fair para sa mga seafarers at seafarer aspirants sa Philippine International Convention Center (PICC) sa Pasay City.
Maliban sa job fair mayroon ding ibat-ibang aktibidad.
Kabilang dito ang photo competition na inorganisa ng International Maritime Organization (IMO) katuwang ang International Seafarers’ Welfare And Network (ISWAN).
Mayroon ding handog na film showing at discounted unli ride tickets sa isang amusement park sa Pasay City.
Ang nasabing aktibidad ay bilang pagkilala sa mga seafarers sa buong mundo.
