Davao City – Daghan ang nalipay sa dihang gi-anunsisyo sa Malacañang nga apil ang Davao City ug ang tibuok Region XI sa mga lugar sa nasud nga mabutang sa Modified General Community Quarantine (MGCQ) gikan sa July 1 to 15.
Matud ni Second District Councilor Danilo Dayanghirang, ang pagtaas sa kaso sa COVID-19 sa dakbayan hatud sa kakulang sa personal ug nasudnong disiplina sa katawhan ilabi na diha sa pagsunod sa health protocols sama sa pagsuot og face mask, pagtuman sa social kun physical distancing ug uban pang mga kritikal nga reglamentos.
Dugang usab ni Dayanghirang nga kulang ra kaayo ang puwersa sa kapulisan sa dakbayan aron bantayan ang dul-an 2M ka mga residente maong misutoy og maayo ang kaso sa COVID karon denhe ug sa uban pang parte sa nasud-Pilipinas.
Gumikan sa maong senaryo, namatikdan ang grabe nga pagsaka sa COVID-19 hatud usab sa pag-repatriate sa mga Locally Stranded Individuals (LSIs) ug ang pagpauli denhe sa mga returning distressed Overseas Filipino Workers (OFWs) sulod sa halos duha ka semana rason kun nganong mabalik kita sa General Community Quarantine (GCQ) classification or status ang dakbayan gikan sa Modified General Community Quarantine (MGCQ) status.
Dugang ni Dayanghirang nga angay gayud nga atong balansehon ang atong paghibalik sa GCQ gikan sa MGCQ sanglit wala lamang diha sa duha ka matang sa containment measures ang apan kun sami kon dili diha sa mas kritikal nga konsiderasyon: Ang kakulang sa disiplina sa mga lungsuranon sa pagtuman sa tanang mga required health protocols.
RadyoMaN Joel Viray
