Kalibo, Aklan – Arestado ro daywa ka mga agi matapos nga ginpaidaeom sa buy-bust operation kaina it aga-aga sa F. Quimpo St., Kalibo, Aklan (sa prente it barangay hall).
Nakilaea rong mga naaresto nga sanday Jonathan Namayan y Baltazar Jr., alyas “Atan”, 27-anyos, nagatrabaho sa parlor, residente it Rizal St., Kalibo ag Errol Eugenio y Lascaño, 30-anyos tubong San Rafael, Camarines Sur, ag temporaryo nga istar sa Capitol Site, Estancia, Kalibo, Aklan.
Naaresto rong daywa ko mga katapo it Aklan PDEU, PDEA, HPG, Aklan PIB ag Kalibo PNP matapos nga magbaligya it daywa ka sachet it suspected shabu kabaylo it P3,000 nga buy-bust money.
Ginpamalibaran it daywa nga sanda ra hay nagabaligya it droga pero andang gin ako nga sanda hay naga gamit.
Sa makaron kulong rong daywa ag maga pangatubang it kasong pagbayolar sa RA 9165 ukon Comprehensive Dangerous Drug Act of 2002.
