Kalibo, Aklan – Natigayon nga maaresto it mga kapulisan kahapon sa Brgy. Caano rong daywa ka mga eaeaki matapos nga mag pang motor napping.
Rong mga suspek nakilaea kanday Val Reynado Dela Rosa, 20-anyos ag Archie Miguel Dela Cruz, 17-anyos tanan residente it Purok 2, C. Laserna St., Kalibo, Aklan.
Sa imbestigasyon it Kalibo PNP nga ko Pebrero 26 hay nag-adto sa andang opisina si Evangeline Bañes Cipriano, 51-anyos ag residente it Brgy. Caano ag nag report nga ko Pebrero 25 samtang ro andang motorsiklo nga Honda RS XRM, kulay itom nga naka parking sa guwa it baeay ko nobyo it anang unga sa Brgy. Linabuan Norte, Kalibo hay naduea.
Anda raya nga gin inusoy pero uwa gid makita.
Mga alas 8:00 it gabii ko Pebrero 25 man gihapon, nagpasayod ro anang gumankon nga si John Rian Daroy nga ro nasambit nga motorsiklo hay nakit-an sa Caano nga ginamaneho it sangka menor de edad ag may daywa ka angkas kung sa siin anang gin eagas pero raya maabuti.
Kahapon, uman nga nakabaton it tawag rong Kalibo PNP halin kay Cipriano nga impormar nga ro andang motorsiklo hay uman nga nakit-an ko andang kaeapit baeay ag natinguhaan nanda nga madakpan ro mga suspek nga nagapaadto it Brgy. Mabilo.
Insigida nga nag responde rong mga kapulisan ag gin aresto ro mga suspek kamana man gindaea sa Kalibo PNP pati ro motorsiklo nga positibo man gin identify it tag-ana nga anda rong motorsiklo.
Nasayuran nga rayang si Dela Rosa hay dati man eon nga may mga kaso sa iba pang krimen.
Kulong rong nasambit nga mga suspek ag magapangatubang it nagakaigo nga kaso.
