Daywa ka mga insidente it pagbuno nagtuhaw kabii sa magkaseparar nga lugar

Kalibo, Aklan — Daywa ka mga insidente it pagbuno nagtuhaw kabii sa magkaseparar nga lugar.
Una nga kaso hay natabo sa Sitio Tambisaan, Brgy. Manocmanoc, Boracay kung sa siin nakilaea rong biktima kay Marvin Baraca, 19-anyos, residente it Brgy. Caticlan ag sangka bantay it tindahan sa lugar.
Suno sa biktima nga imaw nag guwa kabii mga alas 11:00 rong gabii para magpaload ag samtang nagapamaktason imaw nagapabalik hay may anang nahasub-eang nga sangka persona nga uwa man nana makilaea.
Pag eampas ko nasambit nga kasubeang nana may gulpi nga eomagapak sa ananng likod ag sa anang pag tan-aw imaw ra may tama eon it pagbuno sa likod.
Sa makaron hay confined sa Aklan Provincial Hospital si Baraca.
Samtang rong sambilog nga insidente hay natabo mat-a sa Brgy. Agbago Ibajay, Aklan.
Ro biktima nakilaea kay Mamerto Almias Sr., mga saysentahon ro edad nga nakaangkon it tama sa tuo nga dughan ag rong suspek hay ro ana man nga unga nga si Mamerto Almias Jr.,
Suno sa imbestigasyon it Ibajay PNP nga kabii umabot nga hilong ro Junior sa baeay ni Senior nga hilong ag naga sininggit kung sa siin hakibot si Senior ag ana nga ginguwa.
Pagtanghaw nana sa pertahan nga uwa it kon anu-ano hay gulpi ra imaw binuno ni Junior.
Sa makaron hay padayon nga ginabueong sa Ibajay District Hospital si Senior.